Rana (chenero)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rana
Rana iberica
Clasificación scientifica
Dominio: Eukaryota Reino: Animalia Filo: Chordata Clase: Amphibia Orden: Anura Familia: Ranidae Chenero: Rana Linnaeus, 1758

Rana ye un chenero d'amfibios anuros en a familia Ranidae, naturals d'Eurasia temperata y Nordamerica. As especies claseficatas en o chenero Rana solen tener a cintura fina, con a piel rugosa (sin d'arribar a l'estremo de verrucosidat que gosan tener os zapos), con colors marrons (dica royiscas) u verdas, cualcunas con estrías en o lumo. Gosan estar capables de fer brincos de grant lonchitut, estando esta una capacidat que aproveitan ta cazar os insectos y invertebratos d'os que s'alimentan, anque a lonchitut d'as suyas patas zagueras les impide de poder caminar, por el que siempre se desplazan con brincos.

Manifiestan independencia en os didos d'as mans (debanteras) pero en as patas zagueras éls i tienen chunyitos con membranas interdichitals. A color d'o cuerpo ye verda u marrón (dica, en bellas especies, gosando estar royisca) con tacas negras que en o mas gran numero d'especies se concentran en as tarrias y patas zagueras. O briente el solen tener de color mas clara.

Os masclos d'as especies d'este chenero producen o sonito carateristico que ye o «ranuco» u «ranugo» (verbo «ranucar») ta atrayer as fembras, anque o ranuco no s'ha puesto documentar en totas as especies, fendo que bels investigadors piensen que no totas en tienen capacidat. En as especies que se produz, el gosan fer de nueitz.